Ristuð blómkálssúpa

Leave a comment

Ristuð blómkálssúpa toppuð með ristuðum blómkálstoppum, vorlauk og örlitlu múskati.

Þetta er hin fullkomin haustsúpa og sú besta sem við höfum smakkað, án efa.

ATH uppskriftin passar fyrir tvo. Mun gera tvöfalda uppskrift næst.

Berið fram með góðu brauði – Njótið kæru Vistkerar.

Hluti hráefnisins

Ristuð blómkálssúpa

  • Servings: 2
  • Difficulty: Auðvelt
  • Rating: ★★★★★
  • Print

Ristuð blómkálssúpa toppuð með ristuðum blómkálstoppum, vorlauk og örlitlu múskati


ATH þessi uppskrift hentar fyrir tvo

Ingredients

  • 1 stk blómkálshaus, skorinn í blómkálstoppa
  • 1 gulur laukur, saxaður
  • 1 sellerí eða lítill hluti af seljurót, niðurskorið
  • 1 gulrót, niðurskorin
  • 2 hvítlauksgeirar
  • 2 grænmetisteningar
  • Olía
  • Salt og pipar
  • Safi úr hálfri sítrónu
  • Eplasíderedik
  • Smjör
  • Múskat
  • Toppað með:
  • Vorlauk
  • Ristuðum blómkálstoppum
  • Örlitlu múskati

Directions

  1. Sáldrið olíu og salti yfir blómkálstoppa og bakið í 220° heitum ofni í ca 20 mín eða þar til karmelliseraðir
  2. Mýkið niðurskornar gulrætur, lauk, sellerí (eða seljurót) og hvítlauk í olíu í djúpum potti
  3. Útbúið soð með 1,5L af vatni og tveimur grænmetisteningum með því að sjóða það saman í litlum potti
  4. Setjið soð yfir mýkt grænmeti ásamt blómkálstoppum, geymið nokkra til að eiga sem topp yfir súpuna
  5. Leyfið suðu að koma upp og sjóðið í 20 mín
  6. Blandið öllu hráefni saman með töfrasprota
  7. Bætið 2msk af smjöri út í ásamt safa úr hálfri sítrónu og klípu af múskati
  8. Gott er að bæta við skvettu af eplasíderediki í lokin
  9. Toppið súpuskálarnar með blómkálstoppum, vorlauk og örlitlu múskati. Berið fram með góðu brauði.


Njótið!

Klístrað tófú – Vinsælasta uppskriftin

Leave a comment

Lang vinsælasta uppskriftin okkar, enda virkilega gómsætt og kemur öllum á óvart.

Klístrað tófu á hrísgrjónabeði toppað með vorlauk, kóríander, chili, hnetum og lime.

Við fengum svona í matarboði hjá vinum okkar og þetta var svo unaðslega gott að við gerðum þetta aftur sömu vikuna. Þá gátum við ekki beðið eftir að byrja að borða að við gleymdum að taka almennilegar myndir. Vikuna eftir gerðum við réttinn fyrir fjölskylduna þar sem eru nokkrir matvandir sem gúffuðu þessu í sig og ekkert var eftir – Það er aldrei afgangur settur í ísskápinn þegar þessi réttur er í matinn.

Það er mikilvægt að kreysta allan safa úr tófúinu áður en það er notað. Við eigum það sem kallast tófúpressa sem gjörbreytir leiknum, en áður en við eignuðumst hana þá settum við tófúkubbinn í viskastykki og bækur ofan kubbinn og létum bíða í 20 mín. Ef þið hafið ekki tíma fyrir slíkt þá má alveg nota kubbinn beint, en þá verður áferðin aðeins mýkri.

Til að gera réttinn vegan þá þarf að skipta út smjörinu fyrir vegan smjör.

Tófúpressa / Mynd af instagram reikningi Vistkera
Hráefni réttsins
Tófúbitar þaktir maízenamjöli steiktir á pönnu

Klístrað tófú

  • Servings: 4
  • Difficulty: Auðvelt
  • Rating: ★★★★★
  • Print

Klístrað tófu á hrísgrjónabeði toppað með vorlauk, kóríander, chili, hnetum og lime.


Þetta er lang vinsælasta uppskriftin okkar enda mjög einföld og gleður bragðlaukana.

Ingredients

  • 400gr stíft (firm) tofu, þerrað og skorið í litla ferninga
  • Olía til steikingar
  • Maisenamjöl
  • 5 msk smjör (eða vegan smjör)
  • 6 litlir skarlottulaukar, smátt saxaðir
  • 4 hvítlauksgeirar, smátt saxaðir
  • 1,5 msk ferskur engifer, smátt saxaður
  • 10 msk soya sósa
  • 2 msk sykur
  • 2 msk mulinn pipar (í morteli)
  • Rauður chili, smátt skorinn
  • 6 virlaukar, skornir í 3 mm bita
  • Toppað með:
  • 1 búnt kóríander, saxað
  • 1 rauður chili, smátt skorinn (fjarlægið fræin ef þið viljið ekki hafa þetta of sterkt)
  • 4 msk brotnar ristaðar kasjúhnetur, hnetur eða möndlur (gott að nota bara það sem er til :))
  • 2 vorlaukar, skornir í 3 mm bita
  • 1 lime, skorið í báta

Directions

  1. Ef tími gefst er gott að pressa tófúið og þerra það vel áður en það er skorið í ferninga
  2. Stráið maizenamjöli yfir tófúbitana þannig að það þekji bitana vel
  3. Hitið olíu á miðlungshita
  4. Steikið tófúbitana þar til gullin brúnt á öllum hliðum (gott extra stökkt)
  5. Setjið tófú til hliðar og fjarlægið olíuna af pönnunni
  6. Setjið smá olíu á pönnuna ásamt 4 msk af smjöri, hitið á miðlungshita
  7. Steikið saxaða laukinn, hvítlauk og engifer þar til mjúkt
  8. Bætið krömdum pipar og sykri út á pönnuna og hrærið
  9. Þegar sykurinn hefur bráðnað er 10msk af soya sósu bætt út í
  10. Hrærið öllu saman og bætið svo við chili og vorlauk
  11. Bætið nú tófúinu saman við þannig að allir bitarnir verða þaktir sósunni
  12. Bætið 1 msk af smjöri út á og leyfið því að bráðna á meðan hrært er
  13. Njótið með hrísgrjónum og toppið með ferskum vorlauk, kóríander, hnetum, chili og kreistið lime safa yfir


Njótið!

Dásamleg fjallableikja

Leave a comment

Dásamleg fjallableikja með þurrristuðum möndlum, chili, saffran-kínóa og sumarsalati.

Fjallableikja

  • Servings: 4
  • Difficulty: Auðvelt
  • Rating: ★★★★★
  • Print

Fjallableikja með þurrristuðum möndlum, chili, saffran-kínóa og sumarsalati.


Bleikjan

Ingredients

  • 2 fersk bleikjuflök
  • Möndluflögur, þurrristaðar á pönnu
  • Grænn chili, skorinn í litla bita
  • Limesafi úr hálfu lime
  • Salt
  • 2 msk olía til steikingar

Directions

  1. Skolið og þerrið fiskinn og stráið svo flögusalti yfir
  2. Hitið olíu á pönnu við miðlungshita
  3. Steikið fiskinn á roðinu allan tímann
  4. Á meðan fiskurinn eldast er möndluflögum og chili stráð yfir fiskinn
  5. Þegar fiskurinn er fulleldaður er lime safa kreist yfir
  6. Fiskurinn ætti að vera með stökkt roð og ljósbleikur að ofan


Kínóa

Ingredients

  • 1 dl kínóa
  • 2 dl vatn
  • 1/2 grænmetisteningur
  • Klípa af Saffran
  • Smá salt
  • 1 msk þurrkaðar döðlur
  • Steinselja

Directions

  1. Setjið kínóa, vatn, hálfan grænmetistening, smá salt og saffran í pott með loki
  2. Leyfið suðu að koma upp og lækkið hitann en hafið pottinn lokaðan á meðan
  3. Leyfið kínóa að sjóða í 15 mín
  4. Takið af hellunni og leyfið að standa lokuðu í 5 mín
  5. Notið gaffal til að hræra döðlum saman við og stráið ferskri steinselju yfir


Sósa

Ingredients

  • 4 msk grískt jógúrt
  • 1 hvítlauksgeiri, rifinn
  • Safi úr hálfri lime
  • Smá salt
  • 1 tsk hunang

Directions

  1. Blandið öllum hráefnum saman í litla skál og látið standa í nokkrar mínútur


Salat

Ingredients

  • Rósasalatblöð
  • Romaine salatblöð
  • 2 msk granateplafræ
  • 1/4 salatlaukur, smátt skorinn
  • 1/2 grænn chili, smátt skorinn
  • Góð ólífuolía
  • Smá sletta balsamic edik
  • Salt og pipar
  • Bakaðir tómatar (sjá uppskrift á síðunni „Hægeldaðir tómatar”, https://vistkerar.is/2021/05/18/haegeldadir-tomatar/ )

Directions

  1. Setjið öll hráefnin saman í miðlungsstóra skál

Spaghettí bolognese

Leave a comment

Gómsætt Spaghettí Bolognese sem fjölskyldan gúffaði í sig.

Gardein hakkið er í miklu uppáhaldi og það fæst í frystinum í Krónunni. Ef það er ekki til þá kaupum við yfirleitt vegan hakkið frá Anamma sem er líka mjög gott (sjá mynd). Það er líka hægt að gera þessa uppskrift með brúnum linsubaunum en þá þarf að gera ráð fyrir aðeins meiri vökva svo linsurnar verði mjúkar og góðar.

Spaghettí Bolognese

  • Servings: 4
  • Difficulty: Auðvelt
  • Rating: ★★★★★
  • Print

Vistkeravænt Spaghettí Bolognese

Ingredients

  • 400 gr heilhveiti spaghettí
  • 2 msk hitaþolin ólífuolía
  • 2 stilkar sellerí
  • 2 gulrætur
  • 2 gulir laukar
  • 2-3 hvítlauksrif
  • 3 stilkar ferskt rósmarín
  • 1 poki vegan hakk (t.d. Gardein eða Anamma)
  • Salt og pipar
  • 2 dósir góðir tómatar (Mutti)
  • 2 tsk oregano
  • Búnt af basilikku, saxað
  • 2 lárviðarlauf
  • 2 msk tómatpúrra
  • 2 grænmetisteningar
  • 1 rauður chili, saxaður (sleppið fræjum ef þið viljið ekki hafa réttinn sterkan)
  • 125 ml rauðvín (má sleppa en gefur rosalega gott bragð)
  • 7 litlir tómatar
  • 75gr parmesan ostur
  • 1 msk chiliolía

Directions

  1. Skerið sellerí, gulrætur, lauk og hvítlauk smátt
  2. Saxið rósmarínlauf
  3. Hitið olíu í góðum potti á miðlungshita
  4. Steikið vegan hakkið í pottinum og setjið hakkið svo í skál og geymið
  5. Svitið grænmeti í 10 mín ásamt rósmarín í sama potti án þess að þrífa á milli, hrærið reglulega þar til grænmetið er orðið mjúkt
  6. Setjið tómata úr dós, oregano, saxaða basilikku, lárviðarlauf, tómatpúrru, grænmetisteninga, chili og rauðvín ofan í pottinn og hrærið vel
  7. Leyfið suðu að oma upp og sjóðið í 1 klst og 15 mín
  8. Á meðan sósan sýðyr, rífið niður 75 gr af parmesan osti og setjið til hliðar
  9. Þegar búið er að sjóða sósuna er spaghettí soðið í vel söltu vatni skv. leiðbeiningum á pakka
  10. Bætið parmesan osti og steiktu hakki út í sósuna og smakkið til með salti, pipar og chili olíu
  11. Ef sósan er súr þá má bæta örlitlum sykri ofan í, en það er yfirleitt óþarfi
  12. Njótið með extra parmesan og ferskri basilikku

Njótið!

Hægeldaðir tómatar

1 Comment

Þessir hægelduðu tómatar byrjuðu sem meðlæti ofan í tómatsúpu og eru orðnir ómissandi í ísskápinn okkar í dag.

Notist sem álegg á pizzu, ofan í salat, ofan í tómatsúpu eða jafnvel sem snarl á milli máltíða. Þeir endast mjög vel í lokuðu íláti.

Við kaupum oft heilsu-, piccolo- eða kirsuberjatómata á síðasta sjens í matvörubúðunum því þeir henta svo vel í þessa uppskrift.

Bakaðir tómatar

  • Servings: 4
  • Difficulty: Auðvelt
  • Rating: ★★★★★
  • Print

Hægeldaðir tómatar með hvítlauksolíu, blóðbergi og flórsykri

Hægt er að nota ýmsar tegundir tómata í þessa uppskrift, en við notum yfirleitt þessa minni (piccolo-, heilsu- eða kirsuberjatómata).

Ingredients

  • 2-3 öskjur af litlum tómötum
  • 3-4 stilkar ferskt blóðberg (e. timian)
  • 3-4 hvítlauksgeirar
  • Ólífuolía
  • Flórsykur

Directions

  1. Hitið ofninn í 110°með blæstri
  2. Kreistið hvítlauksgeira ofan í litla skál
  3. Bætið ólífuolíu í skálina og hrærið hvítlauknum saman við, setjið til hliðar
  4. Skerið tómata í tvennt og raðiðr í eldfast mót
  5. Dreifið hvítlauksolíunni yfir tómatana
  6. Setjið blóðbergsstilka ofan á
  7. Dreifið flórsykri yfir þannig að það sé smá snjór yfir öllum tómötunum
  8. Bakið tómatana í miðjum ofni í 3 klst


Heimagert sætkartöflusnakk

Leave a comment

Þetta sætkartöflusnakk kom virkilega skemmtilega á óvart. Frábært sem snakk eitt og sér eða sem meðlæti og gefur ýmsum réttum þetta „kröns“ sem vantar oft. Þegar við djúpsteikjum kartöflum glerjast þær.

Mikið af snakkinu sem við fáum í búðum inniheldur pálmaolíu og viljum við gera okkar besta til að forðst það og helst sniðganga.

Kartöflurnar fyrir steikingu
Kartöflurnar tilbúnar til átu

Sætkartöflusnakk

  • Servings: 4
  • Difficulty: Auðvelt
  • Rating: ★★★★★
  • Print

Þetta sætkartöflusnakk kom skemmtilega á óvart.


Hægt er að nota venjulega sæta kartöflu eða gullauga í stað fjólubláu sætu kartöflunnar, en fjóliblái liturinn gefur þessu skemmtilegt yfirbragð.

Ingredients

  • 1 sæt kartafla, fjólublá í þessu tilviki
  • Bragðlaus steikningarolía
  • Salt

Directions

  1. Afhýðið kartöfluna
  2. Skerið með mandolíni í þunnar sneiðar ofan í skál með ísköldu vatni
  3. Látið bíða í kalda vatninu í 30 mín
  4. Hellið vatninu af
  5. Setjið nýtt vatn í skálina með sneiðunum og bætið 3msk af salti í vatnið
  6. Látið standa aðrar 30 mín
  7. Hellið vatninu af
  8. Þerrið sneiðarnar vel
  9. Hitið olíu í potti við 175° og steikið sneiðarnar í litlum skömmtum
  10. Passið að olían kólnar meira ef mikið er sett út í hana í einu, við viljum halda olíunni heitri
  11. Þerrið sneiðarnar á pappír og leyfið þeim að kólna
  12. Saltið

Bakað blómál, innblásið af Sumac

Leave a comment

Þessi uppskrift er innblásin af heimsókn okkar á Sumac á Laugarveginum. Bakaða blómkálið kemur öllum á óvart og hentar vel sem aðalréttur. Tilvalið að hafa flatbrauð og hummus sem meðlæti. Hálft stórt blómkál passar fyrir einn fullorðinn ásamt meðlæti.

Bakað blómkál

  • Servings: 2-4
  • Difficulty: Auðvelt
  • Rating: ★★★★★
  • Print

Guðdómlegt bakað blómkál sem kemur öllum á óvart.


Blómkál

Ingredients

  • 1 stór blómkálshaus, skorinn í tvennt
  • Ólífuolía
  • Sumac krydd
  • Safi út hálfri sítrónu
  • Granateplafræ
  • Möndluflögur, þurrristaðar á pönnu

Directions

  1. Hitið ofn í 190°með blæstri
  2. Skerið blómkál til helminga og kreistið sítrónusafa yfir, saltið og berið olíu yfir helmingana þannig að olían þekji yfirborðið
  3. Kryddið með sumac kryddi
  4. Bakið í miðjum ofni í ca 20-30 mín eða þar til blómkálið er fallega gyllt og mjúkt að innan


Tahini sósa

Ingredients

  • 1/2 krukka gott tahini (helst ljóst). Við mælum með Tahini frá Istanbul Market á Grensásvegi.
  • 4 hvítlauksgeirar
  • Safi úr hálfri sítrónu
  • 1/2 tsk salt
  • Klípa af cumin kryddi
  • Ísvatn, ískalt vatn sett ofan í skál með nokkrum klökum

Directions

  1. Saxið hvítlauk smátt og setjið í litla skál með sítrónusafanum. Leyfið hvítlauknum að marinerast í 10 mín
  2. Sigtið hvítlaukinn frá, passið að pressa allan safa úr hvítlauknum til að fá allt bragðið ofan í sítrónusafann, fjarlægið hvítlaukinn
  3. Bætið tahini, salti og cumen saman við sítrónusafann og hrærið vel
  4. Bætið tveimur matskeiðum af ísvatni við blönduna og hrærið vel
  5. Bætið öðrum tveimur matskeiðum af ísvatni saman við og hrærið. Endirtakið þangað til blandan er orðin silkimjúl og ljós á lit
  6. Smakkið til með sítrónu, salti og cumen
  7. Setjið blómkálshelminga á disk og smyrjið tahini sósunni yfir blómkálið. Strái ðsíðan þurrristuðum möndluflögum yfir ásamt granateplafræjum.

Heimagert pítubrauð ásamt hummus er tilvalið sem meðlæti

Malasíusúpa með sætum kartöflum

Leave a comment

Þessi uppskrift er fullkomin á köldum dögum. Uppskriftin passar fyrir 4 stórar skálar af súpu.

Súpan er matarmikil og stútfull af næringu. Þurrristuðu hneturnar sem toppur er algjört möst til að fá smá bit í súpuna.

Við notuðum þrjár tegundir af kartöflum í hana í þetta skiptið; Venjulegar sætar kartöflur, fjólubláar sætar kartöflur og gullauga.

Hráefni Malasíusúpu

Við ákváðum að prófa að mauka helminginn af súpunni með töfrasprota og það kom mjög vel út.

Malasíusúpa

  • Servings: 4
  • Difficulty: Auðvelt
  • Rating: ★★★★★
  • Print

Ljúffeng og seðjandi súpa með sætum kartöflum.


Ingredients

  • 2 msk olía til steikingar
  • 1 stór laukur, saxaður
  • 2 hvítlauksgeirar, pressaður
  • 1 1/2 msk ferskt engifer, smátt saxað
  • 1 msk túrmerik
  • 1 msk karrí de lúx
  • 1 msk kóríander krydd
  • 1 tsk cayenne pipar
  • 2 meðalstórar sætar kartöflur, við notuðum eina venjulega og eina fjólubláa, skornar í munnbita
  • 1 meðalstór kartafla, skorin í munnbita
  • 1 dós hakkaðir tómatar
  • 2 grænmetistengingar
  • 1L vatn
  • 3-4 msk hnetusmjör
  • Safi úr hálfri lime
  • 4 msk soya sósa
  • 1 tsk fiskisósa, hægt að sleppa ef vegan, þá meira af soya sósu í staðinn
  • 1 dós kókosmjólk
  • Toppað með:
    • – Þurrristuðum hnetum

    – Ferskum kóríander

    – Ferskum lime safa

Directions

  1. Hitið olíu á djúpri pönnu eða súpupotti við miðlungshita
  2. Steikið lauk upp úr olíunni, passið að mýkja laukinn vel og bætið svo hvílauk og engifer við og steikið í skamma stund. Passið að brenna ekki hvítlaukinn.
  3. Bætið kryddum saman við og steikið í 1-2 mín í viðbót eða þar til kryddin gefa frá sér góðan ilm
  4. Setjið alla kartöflubitana í pottinn ásamt 1 dós af hökkuðum tómötum, 2 grænmetisteningum og 1L af vatni
  5. Leyfið suðu að koma upp og sjóðið í um 10 mín, eða þar til kartöflurnar eru tilbúnar (mjúkar ef stungið er í þær með gaffli)
  6. Setjið hnetustmjör í sér skál og setjið 2 dl af heitu súpunni úr pottinum yfir hnetusmjörið, hrærið svo hnetusmjörið leysist vel upp og setjið svo allt saman við súpuna aftur
  7. Bætið við safa úr hálfri lime, soya sósu og fiskisósu
  8. Bætið við kókosmjólkinni og leyfið súpunni að hitna vel í gegn
  9. Smakkið til með soya sósu, lime safa og kryddunum
  10. Toppið súpuskálarnar með þurrristuðum hnetum, ferskum kóríander og safa úr lime

Njótið!

Lax + jarð(epli) + dill.

Leave a comment

Pönnusteiktur lax með sætkartöflumús toppað með eplabitum og dillolíu. Einfaldur, litríkur og heilsusamlegur kvöldmatur. Fjólubláar sætar kartöflur lyfta disknum upp á annað plan, en hægt er að nota hvaða kartöflur sem er. Svo er frábært að skreyta diskinn enn frekar, til dæmis með fallegum heimaræktuðum karsa (sem við áttum reyndar ekki til í þetta sinn).

Við völdum lax í þetta skiptið en bleikja myndi einnig henta mjög vel.

Lax+Jarð(epli)+Dill

  • Servings: 2
  • Difficulty: Auðvelt
  • Rating: ★★★★★
  • Print

Pönnusteiktur lax með sætkartöflumús toppað með eplabitum og dillolíu.


Sætkartöflumús

Ingredients

  • 1 stór sæt kartafla, fjólublá
  • Smjör
  • 1 msk eplaedik
  • Salt og pipar

Directions

  1. Skrælið og skerið kartöflu í ca 2 cm stóra bita og sjóðið í vatni með smá salti (Enn betra að baka kartöfluna í ofni)
  2. Þegar kartaflan er tilbúin (þegar hnífsoddur rennur í gegnum bitana án pressu) hellið vatni frá
  3. Setjið kartöflubita í gegnum kartöflupressu eða stappið þær vel og setjið þær aftur í pottinn
  4. Bætið við smjöri og hrærið (því meira því betra 🙂 )
  5. Bragðbætið með ögn af eplaediki og salt og pipar


Lax

Ingredients

  • Ferskt laxaflak (magn fer eftir fjölda fólks í mat), skorið í 200 gr bita per einstakling
  • Salt
  • Olía til steikningar
  • Safi úr einni sítrónu

Directions

  1. Skerið laxaflak í 100-200gr bita eftir smekk
  2. Saltið
  3. Hitið olíu á pönnu við rúmlega meðalháan hita (t.d. 7 af 9)
  4. Steikið lax á pönnu í 3 mín á hvorri hlið (fer aðeins eftir þykkt). Passið að ofelda ekki fiskinn, hann þarf ekki mikinn tíma.
  5. Setjið ferskan sítrónusafa yfir bitana, gott er að rífa örlífið af sítrónuberki yfir


Dillolía

Ingredients

  • 250 ml ólífuolía
  • 50 gr ferskt dill (sólselja)

Directions

  1. Skrælið og skerið kartöflu í ca 2 cm stóra bita og sjóðið í vatni með smá salti (Enn betra að baka kartöfluna í ofni)
  2. Þegar kartaflan er tilbúin (þegar hnífsoddur rennur í gegnum bitana án pressu) hellið vatni frá
  3. Setjið kartöflubita í gegnum kartöflupressu eða stappið þær vel og setjið þær aftur í pottinn
  4. Bætið við smjöri og hrærið (því meira því betra 🙂 )
  5. Bragðbætið með ögn af eplaediki og salt og pipar

Epli

Ingredients

  • Grænt epli

Directions

  1. Afhýðið epli og skerið í litla bita

Setjið sætkartöflumús á miðjan disk, setjið laxabita ofan á músina og toppið með skornum grænum eplum og dillolíu.

Njótið!

Trufflað sumarpasta

Leave a comment

Ísskápstiltekt leiddi til ljúffengs trufflupasta með piccolo tómötum, shiitake sveppum og ferskri basiliku. Einföld og bragðgóð uppskrift.

Trufflað sumarpasta

  • Servings: 2
  • Difficulty: Auðvelt
  • Rating: ★★★★
  • Print

Einfalt trufflað sumarpasta


Trufflað sumarpasta

Ingredients

  • Einn pakki trufflupasta eða venjulegt tagliatelle
  • Notið truffluolíu ef notað er venjulegt pasta
  • Olía til steikingar
  • Ólífuolía
  • Hvítlauksgeiri, saxaður
  • Grænn chili pipar, saxaður
  • Ein askja shiitake sveppir, skornir niður
  • Ein askja piccolo tómatar
  • Fersk steinselja
  • Fersk basilika
  • Salt og pipar
  • Parmesan ostur

Directions

  1. Sjóðið pasta skv. leiðbeiningum á pakka
  2. Skerið sveppi niður og steikið upp úr olíu, hvítlauk og chilipipar
  3. Þegar sveppirnir hafa tekið á sig lit, bætið tómötum á pönnuna og leyfið þeim að mýkjast. Passið að steikja tómatana ekki of lengi, við viljum að þeir haldi formi
  4. Bætið smá steinselju á pönnuna rétt áður en tómatarnir eru tilbúnir
  5. Smakkið til með salti og pipar
  6. Bætið pastanu út á pönnuna og smá olífuolíu samanvið svo pastað dragi í sig safann af pönnunni
  7. Berið fram með ferskri basiliku og parmesan osti
  8. Setjið nokkra dropa af truffluolíu yfir í lokin ef notað var venjulegt pasta


Ferskt salat

Ingredients

  • Rósasalat
  • Romaine kál
  • Hálft avocado
  • Granateplafræ
  • Salatlaukur
    • – Ólífuolía
  • Örlítið balsamik edik
  • Salt og pipar

Directions

  1. Skerið avocado og salatlauk smátt
  2. Blandið öllum hráefnum saman í skál
  3. Njótið