Bakað blómál, innblásið af Sumac

Leave a comment

Þessi uppskrift er innblásin af heimsókn okkar á Sumac á Laugarveginum. Bakaða blómkálið kemur öllum á óvart og hentar vel sem aðalréttur. Tilvalið að hafa flatbrauð og hummus sem meðlæti. Hálft stórt blómkál passar fyrir einn fullorðinn ásamt meðlæti.

Bakað blómkál

  • Servings: 2-4
  • Difficulty: Auðvelt
  • Rating: ★★★★★
  • Print

Guðdómlegt bakað blómkál sem kemur öllum á óvart.


Blómkál

Ingredients

  • 1 stór blómkálshaus, skorinn í tvennt
  • Ólífuolía
  • Sumac krydd
  • Safi út hálfri sítrónu
  • Granateplafræ
  • Möndluflögur, þurrristaðar á pönnu

Directions

  1. Hitið ofn í 190°með blæstri
  2. Skerið blómkál til helminga og kreistið sítrónusafa yfir, saltið og berið olíu yfir helmingana þannig að olían þekji yfirborðið
  3. Kryddið með sumac kryddi
  4. Bakið í miðjum ofni í ca 20-30 mín eða þar til blómkálið er fallega gyllt og mjúkt að innan


Tahini sósa

Ingredients

  • 1/2 krukka gott tahini (helst ljóst). Við mælum með Tahini frá Istanbul Market á Grensásvegi.
  • 4 hvítlauksgeirar
  • Safi úr hálfri sítrónu
  • 1/2 tsk salt
  • Klípa af cumin kryddi
  • Ísvatn, ískalt vatn sett ofan í skál með nokkrum klökum

Directions

  1. Saxið hvítlauk smátt og setjið í litla skál með sítrónusafanum. Leyfið hvítlauknum að marinerast í 10 mín
  2. Sigtið hvítlaukinn frá, passið að pressa allan safa úr hvítlauknum til að fá allt bragðið ofan í sítrónusafann, fjarlægið hvítlaukinn
  3. Bætið tahini, salti og cumen saman við sítrónusafann og hrærið vel
  4. Bætið tveimur matskeiðum af ísvatni við blönduna og hrærið vel
  5. Bætið öðrum tveimur matskeiðum af ísvatni saman við og hrærið. Endirtakið þangað til blandan er orðin silkimjúl og ljós á lit
  6. Smakkið til með sítrónu, salti og cumen
  7. Setjið blómkálshelminga á disk og smyrjið tahini sósunni yfir blómkálið. Strái ðsíðan þurrristuðum möndluflögum yfir ásamt granateplafræjum.

Heimagert pítubrauð ásamt hummus er tilvalið sem meðlæti

Kassískur HUMMUS

Leave a comment

Einfaldur, silkimjúkur og guðdómlega góður heimagerður HUMMUS.

HUMMUS er hægt að nota sem meðlæti, ídýfu, ofan á flatköku eða súrdeigsbrauð eða hvað sem er, hann er svo góður.

Við mælum sérstaklega með að fjárfesta í góðu tahini, til dæmis það sem er myndað hér fyrir neðan úr Istanbúl market á Grensásvegi.

Satt að segja gerum við tvöfalda uppskrift í hvert skipti þar sem við notum hummus í svo margt.

Besta tahini sem við höfum smakkað, úr Istanbúl market á Grensásvegi

Hráefni

  • 1 dós kjúklingabaunir eða 80gr af þurrkuðum ef notaðar eru baunir úr poka (verður ca 240gr þegar búið er að leggja í bleyti og sjóða)
  • 125 gr gott tahini
  • 2 hvítlauksgeirar, smátt skornir og snögglega steiktir upp úr steikningarolíu
  • Sítrónusafi úr einni sítrónu
  • 1 tsk cumin krydd
  • Salt
  • Toppur, sett ofan á humusinn:
  • Nokkrar kjúklingabaunir
  • Steinselja
  • Sumac krydd (val)
  • Góð ólífuolía

Aðferð

  1. Sigtið kjúklingabaunirnar frá safanum og setjið safann til hliðar*
  2. Fjarlægið húðina af kjúklingabaununum – þetta gerir hummusinn silkimjúkann
  3. Setjið öll hráefnin í blandara eða matvinnsluvél
  4. Leyfið blandaranum að vinna á miðlungsstillingu þangað til hummusinn verður mjúkur
  5. Þynnið hummusinn ef þarf með ísköldu vatni
  6. Smakkið til með salti, sítrónusafa, cumin kryddi og jafnvel auka hvítlauksgeira eða smávegis af tahini

*ef notaðar eru þurrkaðar baunir þarf að fylgja eftirfarandi skrefum :

  1. Leggðu baunir í bleyti með vatni og 1 tsk matarsóda yfir nótt
  2. Taktu vatnið af og settu baunirnar í pott ásamt vatni og 1 tsk matarsóda og leyfðu að sjóða í 20-30 mín eða þar til baunirnar verða alveg mjúkar (hægt að kremja milli tveggja putta)
  3. Sjáið á myndbandinu hér fyrir neðan hvernig hýðið flýtur í vatninu – taktu það frá og passaðu að detta ekki í einhverja smámunasemi – það er allt í góðu þó eitthvað hýði sé eftir!
Reel myndband af instagram síðu vistkera. Hér sést hvernig hýðið á baununum flýtur eftir suðu.

Verði ykkur að góðu.

Muhammara sósa

Leave a comment

Mið-austurlensk veisla í þremur pörtum – Hér er uppskrift af ljúffengri sósu sem kallast Muhammara.

Muhammara sósuna má nota sem ídýfu fyrir flatbrauð eða sem sósu með hakkabollum. Hún er sterk, sæt og djúsí og ótrúlega gaman að búa hana til. Þið sjáið ekki eftir að prófa þessa uppskrift.

Granateplamólassi og aleppo pipar fæst í Istanbúl market á Grensásvegi.

Hráefni Muhammara sósu
Papríkan grilluð þar til svört, húðin skafin af og fræhreinsað
Muhammara sósuna má sjá neðst til hægri á þessu fallega á veisluborði.

Muhammara sósa

  • Servings: 4
  • Difficulty: Meðal
  • Rating: ★★★★★
  • Print

Mið-austurlensk Muhammara sósa


Sósuna má nota sem ídýfu fyrir flatbrauð eða sem sósu með hakkabollum.

Ingredients

  • 2 stórar rauðar papríkur
  • 4 msk ólífuolía
  • 180 gr valhnetur, þurrristaðar á pönnu
  • 1 hvítlauksgeiri
  • 2 vorlaukar, skornir gróft
  • 3 msk tómatpúrra
  • 3 msk granateplamólassi
  • 2 tsk malaður aleppo pipar
  • 1 tsk sykur
  • 1 1/2 tsk sumac krydd
  • 1 tsk salt
  • 1 1/2 tsk cumin

Directions

  1. Grillið papríkurnar þar til svartar að utan
  2. Ef grill er ekki til staðar er hægt að baka í ofni og flambera
  3. Einnig er hægt að prentta hana beint á gashellu
  4. Setjið brenndar papríkurnar í fjölnota plastpoka og lokið pokanum
  5. Leyfið papríkunum að svitna aðeins í pokanum svo auðvelt sé að ná húðinni af
  6. Gott er að nýta tímann hér og þurrrista valhneturnar á þessum tímapunkti
  7. Skafið húðina af papríkunum og fræhreinsið. Gott er að nota óbeittu hliðina á hnífnum í að skafa húðina af
  8. Setjið papríkurnar í blandara eða matvinnsluvél ásamt ristuðu valhnetum og restinni af innihaldsefnunum
  9. Blandið vel þar til verður að sósu og smakkið til með kryddum og granateplamólassa

Hakkabollur með ljúffengri hvítlauks-jógúrt sósu

Leave a comment

Mið-austurlensk veisla í þremur pörtum – Hér er uppskrift af ljúffengum hakkabollum ásamt hvítlauks-jógúrt sósu.

Það má nota hvaða hakk sem er í bollurnar en venjan er að nota lambahakk. Við notum hér Anamma formbar hakk sem er mótanlegt hakk gert úr jurtum og baunum. Það bragðast stórkostlega vel.

Hráefnið (vantar papríkuduft á mynd)

Ljúffengar hakkabollur

  • Servings: 4
  • Difficulty: Auðvelt
  • Rating: ★★★★★
  • Print

Ljúffengar mið-austurlenskar hakkabollur


Það er dásamlegt að njóta með tabbouleh, muhammara sósu, hvítlauks jógúrtsósu og flatbrauði.

Ingredients

  • 600gr afþýtt Anamma formbar fårs hakk
  • 1 stór saxaður skarlottulaukur
  • 1 1/2 dl furuhnetur eða panko brauðrasp
  • 1 egg
  • 1 stórt búnt ferskt kóríander eða steinselja, saxað
  • 1 1/2 dl kúrenur (má nota rúsínur, en hafið þær smáar)
  • 2 tsk Cumin
  • 2 tsk kóríander duft
  • 2 tsk papríkuduft (vantar á mynd)
  • 1/2 tsk salt
  • 1/2 tsk túrmerik
  • 1/2 tsk kanill
  • Olía til steikingar
  • Mynta (eftir steikingu)

Directions

  1. Afþýðið hakkið
  2. Saxið laukinn
  3. Blandið öllu hráefninu saman og myndið bollur
  4. Steikið bollurnar á miðlungsheitri pönnu í olíu (eða ghee) þar til gullin brúnt
  5. Passið að steikja bollurnar ekki of lengi svo þær verði ekki þurrar
  6. Saxið myntu og stráið yfir

Hvítlauks jógúrtsósan er einföld og má nota sem meðlæti með hakkabollum, grillmatnum, ofan á hamborgara eða með kartöflum. Tilvalið að bæta myntu við hana fyrir enn meiri ferskleika.

Hvítlauks-jógúrtsósa

  • Servings: 4
  • Difficulty: Auðvelt
  • Rating: ★★★★★
  • Print

Einfölt og gómsæt hvítlauks-jógúrtsósa


Sósan er einföld og tilvalin sem meðlæti með hakkabollum, grillmatnum, ofan á hamborgara eða með kartöflum. Fyrir auka ferskleika er um að gera að bæta út í hana smá myntu.

Ingredients

  • 6 msk grískt jógúrt eða sýrður rjómi
  • 1 pressaður hvítlauksgeiri
  • Safi úr einni lime
  • Smá salt
  • Fersk mynta (val)

Directions

  1. Hrærið allt hráefni saman og smakkið til með salti og lime

Njótið með Tabbouleh, Muhammara sósu og flatbrauði. Allar þessar uppskriftir eru hér á síðunni undir ,,Mið-austurlenskir réttir”

Tabbouleh

Leave a comment

Mið-austurlensk veisla í þremur pörtum – Hér er uppskrift af dásamlegu Tabbouleh sem er ferskt mið-austurlenskt salat þar sem bulgur og steinselja fá að njóta sín ásamt hvítlauks-jógúrtsósu.

Tabbouleh er gert með Bulgur en það er hægt að nota kínóa líka. Það má leika sér með þessa uppskrift og bæta t.d. við gúrkum eða smátt skornum papríkum. Gott meðlæti með hakkabollum, fiski, grænmetisbuffi og alls konar.

Hráefni fyrir einfalt Tabbouleh salat

Tabbouleh

  • Servings: 4
  • Difficulty: Auðvelt
  • Rating: ★★★★★
  • Print

Mið-austurlenskt Tabbouleh


Tabbouleh má nota sem meðlæti með fiski, hakkabollum, grænmetisbuffi og margt fleira.

Ingredients

  • 2 dl bulgur, soðnar í vatni með 1 tsk af salti eftir leiðbeiningum á pakka
  • 10 litlir tómatar, fræhreinsaðir og smátt skornir
  • 1 stór skarlottulaukur, smátt saxaður
  • 1 búnt fersk steinselja, smátt söxuð
  • 1 búnt fersk mynta, smátt söxuð
  • Safi úr einu lime
  • 4 msk olía

Directions

  1. Sjóðið bulgur með 1 tsk af salti eftir leiðbeiningum á pakka
  2. Fræhreinsið tómata og skerið smátt
  3. Saxið lauk, steinselju og myntu
  4. Setjið allt saman í skál, bætið olíu ofan í ásamt kreistum lime safa
  5. Smakkið til með salti og lime safa

Njótið!